Larunbat honetan, Durango euskal folklorearen erdigunea izango da Bizkaiko Erromeria Egunaren lehenengo edizioarekin. Gure musika eta dantzaren erakusleihoa izango den hitzordu honetan, erromeria ardatz, adin guztietako pertsonei zuzendutako ekimenak eskainiko dira.

Bizkaiko Foru Aldundiak eta Danok Pro kooperatibak Durangoko udalaren laguntzarekin antolatutako egun berezi honen xehetasun guztiak partekatu dizkigute Mirari Elkoroiribe alkateak eta Jon Gomez Garai Danok Pro kooperatibaren kideak.