Alberdi: "Herriko ekintzak normalidadez egiteko gogoak ditugu eta gainera egun polita aterako da"

Gaur ospatzen ari da Idiazabalen Euskal Gaztaren Azoka. Bi urte igaro dira jaialdia antolatu zuten azken alditik eta gogo handiak dituzte herrian, hala adierazi zuen Onda Vascan Iñaki Alberdik, Idiazabalgo alkateak.

Idiazabalgo Gazta Azoka denboraldi berriko lehen azoka garrantzitsua da eta Euskal Herriko Artzainek egindako gazta sustatzea eta horren atzean dagoen guztia babestea du helburu. Aurtengo denboraldiko gazta berriak kontsumitzaileari aurkeztuko zaie eta euskal gaztagileen kultura gerturatuko zaie egitarau aberats baten bidez. 

Ekimenak ostegunean hasi ziren baina gaur, larunbata, hasi dira ekintza nagusiak, adibidez, European Cheese Route elkarteko gazten dastaketa maridajearekin egingo da 11:30ean, eta Idiazabal gazta dastaketa komentatua 18:30ean.

Bestalde, igandean, txapelketa herrikoiak izango dira nagusi eta umeentzako artzain jolasak.

Egitaraua ezagutu nahi baduzu sakatu hemen.