Grooming-a heldu batek adingabe batekin harreman bat sortzeko eta haren konfiantza pixkanaka irabazteko erabiltzen duen manipulazio-teknika da, sexu-abusua edo esplotazioa helburu duena. Gehienetan Internet bidez gertatzen da, sare sozialen, mezularitza-aplikazioen edo online bideo-jokoetako txaten bitartez. Erasotzaileak beste adingabe bat dela sinestaraz dezake, biktimaren adin, gustu eta zaletasun berak dituela erakutsiz, harreman hurbila eta konfiantzazkoa sortzeko.
Konfiantza lortu ondoren, erasotzaileak harremana gero eta pribatuagoa izatea bilatzen du, eta argazki edo bideo intimoak bidaltzeko eska diezaioke adingabeari. Batzuetan, opariak egiten dizkio edo arreta berezia eskaintzen dio, lotura emozionala indartzeko. Ondoren, material hori sexu-xedeetarako erabiltzen saia daiteke, edo mehatxu eta xantaien bidez biktima kontrolatzen jarraitu. Kasu batzuetan, aurrez aurreko topaketa bat ere proposa dezake, sexu-abusua gauzatzeko.
Grooming-aren arrisku nagusietako bat da biktimak askotan ez duela hasieran ohartzen benetan nor dagoen pantailaren beste aldean. Gainera, lotsak eta beldurrak egoera salatzea edo laguntza eskatzea eragotz diezaiokete.
Grooming-a: Heldu batek sare sozialetan edo bideojokoetan profil faltsu bat sortzen duenean gertatzen da, adingabe baten konfiantza irabazteko. Bere adineko gazte bat dela esanez, oso atsegin eta hurbila dela erakusten du, gero argazki intimoak eskatzeko edo aurrez aurre geratzeko.