Lasarte-Oriako Euskal Jaiek irailaren 26an izango dute hitzordua, eta eguneko ekitaldien artean herri-bazkariak ere izango du bere tartea. Askatasunaren plazan egingo da, 14.30ean, eta aurten 200 lagunentzako lekua izango du; iaz baino plaza kopuru bikoitza, hain zuzen. Horretarako, bazkarirako txartelak salgai jarri dituzte dagoeneko.
Aurtengoan, gainera, bazkariak bi berrikuntza izango ditu. Alde batetik, iazkoaren bikoitza izango da eskainiko den plaza, guztira 200 lagunentzako txartelak jarriko baitira salgai. Bestetik, familiek seme-alabekin batera bazkaltzeko aukera izan dezaten, bi menu prestatu dituzte: helduentzat eta haurrentzat.
Familientzako hitzordua
Helduen menuak iberikoak, entsalada mistoa, parrilan egindako baserriko oilaskoa eta txerri-saiheskia izango ditu, baita limoizko sorbetea, kafea eta edariak ere. Prezioa 25 eurokoa izango da. Haurren menuan, berriz, iberikoak, urdaiazpiko kroketak, parrilan egindako baserriko oilaskoa, izozkia eta edariak izango dira, eta txartel bakoitzak 15 euro balioko du.
Antolatzaileek jakinarazi dutenez, haurren zaintza gurasoen ardura izango da bazkarian.
Herri-bazkarirako txartelak Ttakun Kultur Elkartearen bulegoan eskuratu ahal izango dira, irailaren 22ra arte. Bulegoa 09.00etatik 13.00etara eta 16.00etatik 18.00etara erosi ahal izango dira txartelak. Astelehen goizetan eta ostiral arratsaldeetan bulegoa itxita egongo da. Jai-egunetan ere ez da salmentarik izango.