Duela 14.000 urteko gizakiaren azalean jarriko zinateke?

Gaur Kobazuloen Eguna ospatuko da Ekainberrin, Lurpea elkarteak ,Euskal Herriko zortzi kobazulo biltzen dituenak, antolatu du Kobazuloen Egunaren XIV. edizioa eta ospatzeko % 50eko deskontua eskainiko da
Ekainberrirako sarreretan, bisitari guztien artean bonuak zozkatuko dira, elkartutako 8 kobazuloak bisitatzeko eta bi pertsonentzako egonaldi baterako eta, gainera bi bisita berezi antolatu dituzte.

Onda Vascan Xabier Fernandezek, Ekainberriko Koordinatzaileak, azaldu digu "duela 14.000 urteko historiaurreko gizakiaren larruan jarriko direla bisitariak ilunpetan egingo baitira". Bisitak
13:00etan egingo dira gaztelaniaz eta 17:00etan euskaraz eta horietarako gomendatzen zaie bertaratzen direnei etxetik linterna ekartzea. 

"Ekainberri adin guztietako pertsonentzako dago prestatua, egokituta dago segurtasunez mugitzeko, baina, bisita horietan dena egongo da ilun eta bisitariek aurkitu beharko dituzte margoak haien linternekin". Hala ere, margoak aurkitu ez ezik, azalduko da suak izandako garrantzia sua menderatzea lortu zuten arte ezin izango baitziren kobazuloetan artearen moduko jarduerak garatu. Zuzi horiek gabe, duela 14.000 urte ezin izango zituzten Ekaingo zaldiak margotu, janaria prestatu, basatiak uxatu, ez eta kobazuloen sakonera iritsi.

Bisita berezi horiez gain, Ekainberrin tailer ezberdinak ere eskainiko dituzte, horien artean sua egiteko ikastaroa, ehizatzeko eta margotzeko ikastaroak.