Gasteizko Udalak 50 gonbidapen bikoitz zozkatuko ditu ehun pertsonak abuztuaren 4an San Migeleko balkoitik bizi ahal izateko Zeledonen Jaitsiera. Ekimen horren bidez, Gasteizko Udalak are gehiago hurbildu nahi die herritarrei Andre Maria Zuriaren jaietako ekitaldi sinbolikoenetako bat.
Bada, Gasteizko Udaletik jakinarazi dutenez, adin nagusikoek bakarrik eman ahal izango dute izena; hala ere, laguntzailea adingabea izan daiteke. NAN edo AIZ bakoitzeko, behin bakarrik eman ahalko da izena. Epea asteazken honetan ireki eta uztailaren 20an itxiko da, eta interesa dutenek online formularioa bete beharko dute (https://v-g.eus/zeledon) edo Herritarrei Laguntzeko telefonora deitu (010 edo 945 16 11 00).
Zozketa uztailaren 23an izango da, eta egun horretan bertan jakinaraziko dira irabazleak. Udal langileak jarriko dira haiekin harremanetan, eta gonbidapenak uztailaren 27tik 31ra jaso ahal izango dituzte Plaza Berriko Turismo Bulegoan, NANa edo AIZ aurkeztuta.
Gonbidapenak izendunak eta besterenezinak izango dira, eta zozketan saritutako pertsonarentzat eta haren lagunarentzat izango dira. Laguna adin nagusikoa edo adingabea izan daiteke.
GASTEIZKO UDALA
Bestalde, Gasteizko Udalaren beste albiste batzuekin jarraituz, Gasteizko Udalak 20.424 euro bideratuko ditu Mercaemprende ijitoekin esku hartze integrala egiteko programara, salmenta ibiltariaren esparruan kalitatezko enplegua profesionalizatu, modernizatu, digitalizatu eta sortzeko. Udal Gobernu Taldearen eta EH Bildu taldearen artean 2026rako sinatutako aurrekontu akordioari esker bideratutako da neurria.
Maria Nanclares Ekonomia Sustapen, Enplegu, Merkataritza eta Turismo zinegotziak, Aitziber Salazar EH Bilduko zinegotziak eta Nuria de la Cruz Euskadiko Ijitoen Idazkaritza Fundazioko zuzendariak parte hartu dute hitzarmen berria aurkezteko prentsaurrekoan.