Pirritx eta Porrotx Oiartzunen izango dira hilabete honetan

Actualizado hace 3 minutos

Oiartzungo Udalak eta herriko elkarteek elkarlanean osatzen duten kultur agenda urtarrilean ere ekintza askorekin dator. Urtea ongi hasteko, ez aspertzeko aukera zabala izango da herrian. Urtero, lez, haurrek Pirritx, Porrotx eta Marimotots pailazoen bisita izango dute, aurtengoan hilaren 25ean.

Haurrei zuzendutako eskaintza oso zabala izango da; Argizagi filma Landetxe aretoan eta ipuin kontaketa Lur Kortaren eskutik esaterako. Abaraxka ludotekak antolatutako proposamen ezberdinak ere izango dituzte aukeran, besteak beste logika jolasak, argi itzalekin jolasean ekintza eta Ihotetako zakuen prestaketa lanak.

Helduentzako ekintzak

Helduek ere izango dute ekintza ezberdinetan parte hartzeko aukera. Ostegunetako zinemaz gain, Ihoteetarako dantzan ikasi nahi duenak fandango eta arin arina ikasteko bi ikastaro izango dira, Olatz Salvador abeslaria eta Alaia Martin bertsolariaren eskutik 1:1 eskala emanaldia, Kontxa Murgiari omenaldia…