Maruri-Jatabeko herria prest dago San Lorentzo jaiak ospatzeko. Bihar arratsadean hasiko dira Basajairen etorrerarekin eta osteko txupinazoarekin eta, Erlantz Urresti alkateak nabarmendu duenez, egitaraua adin guztietako pertsonentzat eta familientzat diseinatuta dago.

12. edizioa duen playback txapelketa arrakastatsua, tortilla eta paella lehiaketak, musika emanaldiak eta herri kirolak izango dira ardatz nagusiak. Jaiak abuztuaren 10ean amaituko dira, San Lorentzo egunean, tradiziozko meza, euskal dantzak eta su artifizialekin, eta alkateak herritarrak eta kanpokoak jaietan errespetuz eta esku zabaltasunez gozatzera gonbidatu ditu.