Jazarpena: Eguneko hitza

Jazarpena pertsona baten aurkako jokabide iraingarri, beldurgarri edo oldarkorren multzoa da. Askotariko moduak har ditzake: irainak, mehatxuak, umiliazioak, kontrola, nahi gabeko jarraipenak edo behin eta berriz egindako kontaktuak, besteak beste. Eskolan, lantokian, kalean edo Interneten gerta daiteke, eta biktimaren ongizatean eta eguneroko bizitzan eragin handia izan dezake.

Ingurune digitalean, jazarpena teknologia berrien eta komunikazio-kanalen bidez gauzatzen da. Sare sozialak, berehalako mezularitza-aplikazioak, bideojokoak edo posta elektronikoa erabil daitezke pertsona bat iraintzeko, mehatxatzeko, beldurtzeko edo haren pribatutasuna urratzeko.

Jokabide horrek hainbat forma har ditzake: nahi ez diren mezuak behin eta berriz bidaltzea, argazki edo bideo pribatuak baimenik gabe zabaltzea, profil faltsuak sortzea edo pertsona baten jarduera sarean etengabe kontrolatzea.

Jazarpena: Pertsona batek, bakarka edo taldean, beste bat etengabe eta gehiegikeriaz birrintzen duenean, irainak, erasoak edo ezikusiarena eginez, normalean ikastetxean edo institutuan. Horrek kalbarioa eragiten dio pertsona horri, eta ez da borroka edo eztabaida puntual batean geratzen.

KLIK EGIN AURRETIK PENTSATU. PARTEKATU BAINO AURRETIK EGIAZTATU.