Oraindik Kongresuak eman beharko dio baietza, baina, Ministroek onartutako dokumentuaren arabera, 16 urtetik beherako ume eta gazteek ezingo dituzte profilak ireki sare sozialetan eta, era berean, plaforma desberdinek adina egiaztatzeko sistema fidagarrigoak erabili beharko dituzte.

Erabaki honen aurrean gurasoek duten iritzia ezagutzeko, Altxa Burua Tolosako kide den Igone Gabirondorekin hitz egin dugu. Neurri berri hori txalotzekoa dela adierazi digu ama honek, baina, gehitu duenez, "legeak bai, baina babesa ere izan behar dugu; bestela, ardura, berriz ere, gurasoen gain dator".