Gasteizko Europa jauregiak 108.000 pertsona hartu ditu 2024an antolatutako biltzar eta ekitaldietan

Gasteizko Europa biltzar jauregiak bere historiako daturik onenak erregistratu ditu 2024an biltzarretara eta ekitaldietara joandako pertsona kopuruari dagokionez, 108.064 hartui baititu, orain arteko markarik onena zuen 2023an baino 2.761 gehiago. Guztira, 293 ekitaldi egin dira jauregian 2024an.

Maider Etxebarria Gasteizko alkatearentzat, datu horiek erakusketa dute Gasteiz biltzar-hiri gisa sustatzearen alde egindako apustua egokia izan dela. "Sektorean diharduten tokiko enpresentzat, merkataritzarentzat, ostalaritzarentzat eta hotelen sektorearentzat oso diru iturri garrantzitsua da eta hiriaren irudia kanpora proiektatzeko balio du, turisten presentzia izateko eta ekitaldi berriak iristeko lagungarria delako", esan du.

Terrorismoaren Biktimei buruzko NBEren Nazioarteko Konferentzia egin zen Gasteizen iaz, eta aurten, berriz, Gobernu Irekirako Aliantzaren IX. Goi Bilera Globala egingo da eta mundu osoko 2.000 aditu eta lider baino gehiago bilduko ditu.

Gainera, 2030 Agendaren FEMP erakundearen bosgarren biltzar nagusia egingo da eta Espainiako Gobernuaren eta NBEren agintariak bilduko ditu. Aurretik, otsailaren 19tik 22ra, Biltzarren Antolatzaile Profesionalen 37. Espainiako Biltzarra egingo da Europa jauregian.

"Ikusten dugu gero eta jende gehiago joaten dela horrelako ekitaldietara, eta horietako asko Espainiako beste probintzia batzuetatik ez ezik Europako eta munduko beste txoko batzuetatik ere iristen direla, nazioarteko hitzorduak hartzen ditugulako", nabarmendu du alkateak.

Azkenik, Europa biltzar jauregiaren jarduerari Goiuri jauregian egindakoa gehitzen bazaio (han ere kongresu eta bilera profesionalekin lotuta egiten dute lan), hiri osoko balantzea 114.470 lagunkeoa da, 2023ko erregistroa 3.352 pertsonatan hobetuz.