Bazterkeria-egoeran pertsonentzako gizarte- eta hezkuntza-programak profesionalen kopurua handitu du, egungo beharrei baldintza hobeetan aurre egiteko

Actualizado hace 3 minutos

Tokiko Gobernu Batzordeak onartu du, Gizarte Politiken Sailak hala proposatuta, bazterkeria-egoeran edo -arriskuan dauden pertsonei zuzendutako ingurune irekiko gizarte eta hezkuntza arloko esku-hartzerako eta bitartekaritzarako programa garatzeko kontratua esleitzea. Bere lana etxerik gabeko pertsonei zuzenduta dago, eta Hurbil udal-taldearekin lankidetzan egingo da. Kontratu honen berritasuna enpresa esleipenduneko profesional kopurua handitu egingo dela da. Izan ere, bost izango dira, profil desberdinetakoak (gaur egun bi hezitzailek egiten dute lan).

“Gizarte eta hezkuntza arloko esku-hartze horrek jarrerak eta ohiturak aldatzeko jarraibideak ematen dizkiete hartzaileei. Gainera, profesionalekin duten hezkuntza-harremanak tresnak ematen dizkie autonomiaz moldatzeko eta edozein testuingurutan gizarteratzeko”, zehaztu du Lucho Royero Gizarte Politiken zinegotziak.

Lan profesional honek funtzio prebentiboa du. Hartzaileak haien ohiko testuinguruetan detektatzeko mekanismoak sortzeko aukera ematen du, beharrak eta gabeziak identifikatuz eta prebentzio-ekintzak garatuz.

Profesionalen kopurua bitik bostera igotzeak egungo beharrei baldintza hobeetan aurre egitea ahalbidetuko du. Zehazki, bi gizarte-hezitzaile, gizarte-langile bat eta bi gizarte-integratzaile izango dira. Horiei Hurbileko udal-plantilla gehitu behar zaie, hiru gizarte-langilek eta psikologo batek osatua.

Kontratua uztailaren 13an hasiko da, eta 279.476,89 euroan esleitu zaio Nascor Formación enpresari, urte baterako, beste urtebetez luzatzeko aukerarekin.