Euskal Herrian paisaia izugarriak ditugula ez da sekretua, baina gauza bat da autoko leihotik ikustea eta oso ezberdina surf taula baten gainean, errekan behera edo tirolina batean zintzilikatuta bizitzea. Zoramen guzti horiek ondo atera daitezen, eta etxera osorik itzultzeko, Aktiba elkarteko lagunak daude, Euskadiko turismo aktiboko enpresak biltzen dituen elkartea. Profesional hauek gure mendi, ibai eta kostaldeak ezin hobeto ezagutzen dituzte, eta abentura zein segurtasuna eskutik joatea lortzen dute, ingurunea uneoro zaintzen duten bitartean.

Gaur abentura-turismo hau gure errorik sakonekin nola lotzen den ikusi dugu Iranzu Arginzoniz Aktiba elkarteko bokalaren eskutik. Jai Alai Events-eko zuzendariak zesta-punta ikuskizun eta tailerretan, herri kiroletan, Bermeoko kostaldeko ginkanetan, musika tradizionalean eta euskal mitologian murgildu gaitu. Modu honetan, pilota eta folklorea, esperientzia seguru eta bizietan nola bihurtzen dituzten azaldu du; argi utziz adrenalina eta gure kultur nortasuna babestea edo ingurumenaren jasangarritasuna ezin hobeto konpontzen direla.