Maiatzaren 27an 90 urte beteko dira Ategorrietako sarrasketa gertatu zenetik. Ixilpean pasa dira urte hauek eta, gertakari tragiko hori ez da argira atera orain arte. Gipuzkoako Kale Nagusian memoria egitearekin konprometituak gaude eta 1931an horien eskubideak aldarrikatu zituzten milaka arrantzaleen historia ekarri nahi izan dugu irratira Josetxo Otegi historialariaren eskutik. Hark esplikatu digu manifestazio paketsu bat zela non arratzaleak horien eskubideak aldarrikatzen zituzten; konkretuki hauek ziren leloak: "ogia behar dugu gure seme-alabek jan dezaten" eta "aska itzazue gure lankideak". 

Baina, langile hauen intentzio onak talka egin zuen momentuan ezarrita zegoen Gobernuerekin eta, bortizkeriaz baliatuz, guardia zibilak 7 arrantzale gazte erahil zituen. Otegik adierazi digunez, sarraski hori Euskal Herrian langile mugimendu batean gertaturiko larriena izan zen.

Baina, historialariak azpimarratu duen moduan, gertakaria ez oroitaraztea da, egun, larriena, azkenean gure historiako pasartea baita eta, nahiz eta deserosoa izan halako pasartea argira ateratzea, hildakoei eta gure memoriari zor diogun zerbait da eta egin beharrekoa.