Euskadi Literatura sariak eman dira gaur, urriak 14, eta gipuzkoarrak nagusitu dira. Batetik, Pello Lizarraldek irabazi du Euskal Literatura saria eta bestetik, haur eta gazte literatura sailean Anjel Lertxundi izan da garailea 'Haltzaren Muinoa' liburuarekin.

Liburuak uraren ondoan bizi den zuhaitz baten istorioa kontatzen du, bidaiatzeko ametsa duen arbolarena baina, aldi berean errotuta dagoena. Itsasoa ezagutu nahi du haltzak eta, eurite bat dela eta haren ametsa betetzeko aukera sortatzen zaio.

Istorio horrekin, Lertxundik zoriontasuna aurkitzeko bidaiari buruz hausnartzen du. Gipuzkoako Kale Nagusian elkarrizketatu dugu eta beste aldarrikapen bat egiteko aprobetxatu du, literaturarena. Idazleak haurrentzako liburuek helduentzako balio ez dutenaren ideia deuseztatu du, ondo idazten denean, publiko guztiari heltzen baitzaio.