Euskara ikastea ez omen da erraza baina nahia dagonean posible dela argi utzi dute Eneka Izaskun Córdoba eta Gabriela Allaria, biak Argentinakoak dira eta 2020an hasi ziren euskaraz ikasten. Beraiekin batera Argentina, Uruguai eta Txileko beste 14 pertsona etorri dira Lazkaoko Maizpide barnetegira euskara ikastera, zortzi astez Euskara Munduan programaren baitan.

Gipuzkoako Kale Nagusian Eneka Izaskun Córdoba eta Gabriela Allariarekin hitz egiteko aukera izan dugu eta euskararekin duten lotura zein den azaldu digute. Enekaren birraitona eta birramona Nafarroakoak ziren eta Gabriela, jatorri italiarra izan arren, haren senarraren familia euskalduna izanda euskaraz ikasten hasi zen.