Martxoaren 8a, Emakumeen Nazioarteko Eguna, berdintasuna aldarrikatzeko eta emakumeek gizarteko esparru guztietan duten papera aitortzeko eguna da. Iurretan, landa eremuko emakumeen lana balioan jarri nahi izan du Udalak, omenaldi berezia antolatuz. Zorione Fundazuri Iurretako Udaleko Berdintasun zinegotziak ONDA VASCA irratian eman ditu ospakizun honen inguruko xehetasunak.

Fundazurik azaldu duenez, Udalak emakume baserritarrak komunitateari egindako ekarpena aitortu nahi izan du, haien lana eta dedikazioa azpimarratuz, bideo dokumental eta liburu baten bidez. Zinegotziak, omenduak izan ziren emakumeak nola aukeratu zituzten eta ekimen honekin zein mezu zabaldu nahi den azaldu du.