Industriaren produkzioa %0,2 gutxitu da otsailean EAEn

Actualizado hace 10 minutos

Euskal Autonomia Erkidegoko (EAE) otsaileko industriaren produkzioa iazko hilabete berekoa baino %0,2 txikiagoa izan da, lan egutegiko balio homogeneoetan. Aurreko hilarekin alderatuta, berriz, EAEko industriaren jarduerak %0,4ko igoera izan du, urtaroen eragina zuzendu ondoren, Eustat euskal estatistika erakundeak landutako datuen arabera.

Ondasunen helburu ekonomikoaren arabera, kontsumo ondasunen produkzioak urtetik urterako %3,4ko jaitsiera izan du otsailean. Ekipo ondasunen produkzioak %2,7ko igoera izan du, eta bitarteko ondasunenak %1,7ko jaitsiera. Energiaren produkzioari dagokionez, 2025eko otsailekoa baino %1,9 handiagoa izan da aurten.

Lurralde historikoka, industria produkzioaren indizearen urtetik urterako bilakaera negatiboa izan da otsailean Araban eta Gipuzkoan, %6,1eko eta %0,7ko murrizketekin, hurrenez hurren, eta positiboa Bizkaian, %3,6ko gehikuntzarekin.

Maila bereiziagoan, EAEko industrian pisurik handiena duten sektoreen artean, otsaileko produkzioan urtetik urterako jaitsierarik handiena izan dutenak honako hauek izan dira: makineria eta ekipamendua (-%5,5), elikagai industriak, edaria eta tabakoa (-%2,2) eta energia elektrikoa, gasa eta lurruna (-%2,0). Aitzitik, material eta ekipamendu elektrikoa sektorean produkzioak %6,1eko igoera izan du, eta metalurgia eta produktu metalikoak sektorean %1,7koa.

"Euskal Autonomia Erkidegoko (EAE) otsaileko industriaren produkzioa iazko hilabete berekoa baino %0,2 txikiagoa izan da, lan egutegiko balio homogeneoetan. Aurreko hilarekin alderatuta, berriz, EAEko industriaren jarduerak %0,4ko igoera izan du", ondorioztatu dute.