Herriz Herri saio berezia izan dugu Gipuzkoako Kale Nagusian eta Debara joan gara. Alazne Txurrukarekin hitz egin eta gero, herriko alkatearekin, Debako beste eragile batzuk ezagutu ditugu.

Historia Aurreko Bailara proiektuaren gainean hitz egin dugu Jasone Galdonarekin batera, Debako Turismo Teknikariarekin. Gero paseoarekin jarraitu dugu eta Septarien erakusketaren gainean hitz egin dugu Asier Hilariorekin, bera Euskal Kostaldeko Geoparkeko zuzendari zientifikoa da eta harri-bitxi hauek nolakoak diren azaldu digu.

Geoparkea ezagutu eta gero herriko Arbil jubilatu eta pentsionisten elkarteako idazkariarekin, Maria Ostolaza eta elkarteko presidentearekin, Itziar Diez, hitz egin dugu herrian egiten dituzten hitzaldi eta ekimenen gainean.

Eta Euskararen Eguna dela eta, Zuhatsa euskara elkarteak egingo dituzten ekintzak errepasatu ditugu Alex Turrillas eta Izaro Aulestiarterekin, elkarteko zuzendaritza taldeko kideekin.