Zaldibarrek aho batez onartu ditu aurrekontuak

Actualizado hace 3 minutos

Dagoeneko Zaldibarrek aurrekontuak ditu datorren urterako. Osoko bilkuran aho batez onartu ondoren. Guztira, 4.057.068,08 euroko aurrekontua izango du Udalak datorren urtea kudeatzeko, aurten baino %6,5 gehiago. Akordioak izaera historikoa du, izan ere, duela 40 urte baino gehiago onartu ziren azken aldiz aurrekontuak, udaleko alderdi politiko guztien adostasunarekin.

Eneritz Azpitarte alkatearen hitzetan, aurrekontu hauek “herritarren ongizatea hobetzeko eta herri biziagoa eraikitzeko tresna eraginkorra” izango dira. Kontuak EH Bilduren gobernu taldearen, eta oposizioko EAJ PNV eta PSE-EE alderdien aldeko botoekin onartu dira.

Datorren urteko aurrekontuek inbertsio berezia egingo dute herriko azpiegiturak, zerbitzuak eta aisialdirako guneak hobetzeko. Besteak beste, Olazar guneko ur-parkea berrituko da, gaur egungo instalazioak ordezkatuz eta ur-parke moderno bat jarriz udarako. Halaber, herriko parke bat birmoldatuko da, herritarrekin egindako parte-hartze prozesu baten emaitzak oinarri hartuta.