Mondragon Korporazioak arlo askotako enpresak hartzen ditu bere gain. Sektore anitzetan diharduten kooperatibez osatuta dago. Horregatik, ezinbestekoak bilakatzen dira pertsonen kudeaketa egokia eta hauen talentua sustatzeko neurriak. 

Horretan zer nolako lana egiten duten jakiteko, Maite Legarra Mondragon Korporazioko Erakarpen eta Talentu Garapeneko teknikariarekin hitz egin dugu. Adierazi dizkigun gauzen artean, belaunaldi aldaketaren erronka mahaigaineratu du eta, adierazi duenez, "apostu garbia egiten dugu ikasleekiko eta etorkizuneko profilarekiko".