Durangon dena prest dago jada arratsaldeko 20:00etan Sanfaustoei hasiera emateko. Gustu eta adin guztietarako 160 ekitaldi baino gehiagok osatzen dute aurtengo egitaraua eta, honen inguruan, Mireia Elkoroiribe alkateak azpimarratu du "herritarren eta erakunde eta elkarteen parte-hartzea ezinbestekoa" izan dela aukera horiek guztiak antolatzeko. 

Musika, gastronomia, kirola eta solidaritatea izango dira aurtengo Sanfaustoen ardatza eta, alkateak adierazi duenez, "jaiak disfrutatzeko momentua dira, baina denok izan behar dugu aukera berdina, eta, beraz, beti errespetuz izan daitezela".