Gipuzkoaren lehen aipamen idatziaren milurtea ospatzen ari garen urte honetan, hamaika ekintza antolatu dira herri desberdinetan gure lurraldeak mende hauetan zehar izan duen ibilbide historikoa ezagutarazteko asmoz.

Horren ildora, gaur goizean, Euskal Itsas Museoak "Ipuscua 1025-2025. Ibilbide bat duela mila urteko kostaldean zehar" proiektua aurkeztu du, gure kostaldearen berri ematen diguten aztarnategi eta dokumentuen bidez egin ahal izango duguna.

Xabier Alberdi Euskal Itsas Museoko zuzendari zientifikoarekin hitz egin dugu proiektuaren xehetasunak eta Gipuzkoako kostaldearen hamar mende hauetako bilakaera ezagutzeko.