Mikel Markez abeslari errenteriarrak disko berria argiratu du. Gezurrari zor izenpean, gezurraren eta egiaren inguruko hausnarketa aurkezten digu, egiaren indartzea aldarrikatzeko xedez.

Bederatzi abestiz osatutako lana da, eta bederatzi bertsolarik sortutako hitzetan dauka oinarria. Markezek martxoaren 18an ekin zion diskoa aurkezteko birari, eta datozen hilabeteotan Euskadiko hainbat udalerritan izango da.

Mikel Markezek gure estudioetara egin duen bisita aprobetxatuz, bere ibilbideaz eta diskoaren xehetasunez aritu gara berarekin.