Bi urte daramatza Aranzadi Zientzia Elkarteko talde batek Amasako inguruan indusketak egiten. Lan horien ondorioz, Garmendi eta Aranerrekako kobazuloetan hainbat aurkikuntza egin dira eta, aztarna horiei Karbono-14 datazio froga egin ostean, Burdin Arokoak eta Erromatar garaikoak direla ondorioztatu dute.

Jon Aldaia Aranzadiko kide eta indusketa horietan lanean diarduen taldearen kideetako bat denak azaldu digunez, aurkikuntza horiek "bakarretakoak" dira Gipuzkoan eta azterketarekin jarraituko dutela aurreratu digu, Burdin Aroaren aurreko aztarnak ere aurkitu ahal dituzten susmoarekin.