Ismael Iglesiasen ‘From light to darkness’ erakusketak argia eta iluntasuna arakatuko ditu Montehermoson

Gaur, Ismael Iglesias artistaren ‘From light to darkness’ erakusketa inauguratuko da Montehermoson, 19:00etan. Erakusketa Ur Biltegi Zaharrean egongo da ikusgai ekainaren 1era arte.

Lan horrek argia eta iluntasuna aztertzen dituen ibilbidea proposatzen du, ez bakarrik ikusizko elementu gisa, baita memoriaren eta eraldaketaren metafora gisa ere. Pintura eta ikus-entzunezkoak konbinatzen ditu, irudiaren adierazpen-aukerak esploratuz, eta horrekin guztiarekin kontenplazio sakon eta sentsoriala egitera gonbidatzen duen argi, itzal eta bolumenen arteko jolasa sortzen du. Interpelatzen duen obra da, eta piktorikoaren eta digitalaren artean kokatzen da, materialaren eta ukiezinaren artean.

"Proiektu horrek Montehermoso Gasteizko arte garaikiderako erreferentziazko gune gisa sendotzen jarraitzeko aukera ematen digu, egungo sorkuntzaren eta diziplina desberdinen arteko elkarrizketaren aldeko apustua egiten duen programazioarekin. Kultura Sailak sorkuntza artistikoaren sustapenarekin konprometituta jarraitzen du, esperimentaziorako eta hausnarketarako espazioak eskainiz, eta gaur aurkezten dugun erakusketa horren adibide bikaina da ”, adierazi du Sonia Díaz de Corcuera Kultura zinegotziak aurkezpeneko prentsaurrekoan.

Ismael Iglesias nazioko eta nazioarteko ibilbide nabarmena duen artista da. Durangon jaio zen, Bilbon bizi da eta bertan egiten du lan, eta egoitza artistikoak egin ditu BilbaoArte Fundazioan, Delfina Foundationen (Londres), España Ikastetxean (Paris), Andratx Kultur Etxean (Mallorca), MA Studion (Beijing) eta TJ IN CHINAn (Tijuana).