Gasteizko Udalak Olaranbeko 3 zelaiko soropil artifizial berria instalatzeko obrak hasi ditu, gainazala zaharra kenduz. Hiri Ereduaren Sailak 385.932 euro inbertituko ditu lan horietan eta kirolgunea berritzeko beste batzuetan, BEZ barne, eta Mondo Iberica S.A. enpresa arduratuko da lanez, 12 asteko egikaritze epearekin.
Borja Rodriguez Hiri Ereduaren zinegotziak zehaztu duenez, "azken belaunaldiko materialarekin egindako jokorako eremu berria izango da, hala nola dentsitate handiko polietilenoarekin, tonu berde argi eta ilunekin, estetika ahalik eta naturalena izan dadin eta bertan jokatzen duten jokalarien segurtasunean arriskuak saihets ditzan".
"Olaranbeko 3 zelai berrituaren lamina berdearen berritasun nagusia oinarri elastiko aurrefabrikatu baten gainean instalatuta egotea izango da, orain arte bezala kautxuz edo hareaz betetako betegarriak izan beharrean, eta, gainera, soropilaren baldintzak hobetzen ditu horrek", azaldu du.
Soropil artifiziala berritzeaz gain, instalazioan beste jarduketa batzuk egingo dira, hala nola hegalak handitzea aulkien eremuari leku gehiago emateko, ateak ordezkatzea eta iparraldeko eremuan babes sare berria jartzea. Esku hartzea osatzeko, zelaia inguratzen duten kanaletak birjarriko dira eta sei kanoiko ureztatze sistema berria instalatuko da.
Olaranbeko 3 zelaiko esku hartzea lehena da Zaramagako eta Adurtzabalgo instalazioetako joko eremuak berritzeko eta modernizatzeko programatuta eta egun lizitazioan dauden lanen artean. Kirolguneak berritzeko gingo diren berrikuntza lanetarako 3,6 milioi euroko inbertsioa egingo da, "futbolean jokatzeko Udalak dituen 21 zelaien sarea modernizatzeko eta Gasteiz kirol instalazioei dagokienez erreferentziazko hiri gisa finkatzeko".