Fronte batek aldaketa ekarriko du asteazkenean

Actualizado hace 10 minutos

Euskalmet euskal meteorologia agentziaren iragarpenaren arabera, asteazkenean, martxoaren 25ean, fronte hotz batek eguraldi aldaketa ekarriko du. Goizean iritsiko da lurraldera, eta hodeiak eta euria ekarriko ditu, batez ere ipar partera. Itsasotik datorren haizea nagusituko da, goizean ipar-mendebaldekoa izango da eta iparraldekoa arratsaldean; tarteka, enbarazu apur bat egingo du.

Tenperatura maximoak jaitsi eta 11-14 gradu artekoak izango dira. Hiriburuetan, Baionan 7 gradu espero dira gutxienez eta 13 gehienez, Bilbon 8 gutxienez eta 15 gehienez, Donostian 7 gutxienez eta 14 gehienez, Gasteizen 2 gutxienez eta 12 gehienez eta Iruñean 4 gutxienez eta 16 gehienez.

Kostaldean mendebaldeko haizea ibiliko da 3ko indarrarekin goizaldean, eta goizean zakartu eta 4koarekin eta 5eko tarteekin ibiliko da, ipar-mendebaldera eta iparraldera eginez; itsaskirria eragingo du, eta egunaren bigarren zatian itsaskia, itsaski handiko guneekin. Ipar-mendebaldeko hondoko itsasoak 1-1,5 metro inguruko olatuak altxatuko ditu, eta arratsalde-gauean 2,5-3 metrokoak. Itsasgorak 09:10ean eta 21:37an izango dira, eta itsasbehereak 02:49an eta 15:16an. Uraren tenperatura 13 gradukoa da eta ikuspena lau eta hamar kilometro artekoa izango da.

Zerua hodeitsu edo oso hodeitsu egongo da. Zaparrada txikiak egingo ditu, probabilitate handiagorekin egunaren lehen zatian eta Kantauri isurialdean. Elur-kota 1000-1200 m inguruan egongo da. Ipar-osagaiko haize ahul-bizia ibiliko da, bolada gogorrekin haizeguneetan. Tenperatura minimoetan aldaketarik ez edo gutxi jaitsiko dira. Tenperatura maximoak gutxi edo nahikoa jaitsiko dira. Mendi inguruetan izotz txikia egingo du.