Azalera handietako eta elikadura-kate handietako salmentak % 2,4 igo dira Bizkaian, %1,5 Gipuzkoan eta %0,4 Araban

Actualizado hace 7 minutos

Euskal AEko azalera handietako eta elikadura-kate handietako salmentak %1,8 handitu dira aurreko urteko hil beraren aldean, prezio konstanteetan eta egutegiaren eraginak zuzendu ondoren, Eustaten datuen arabera.

Aurreko hilabetearekin (2025eko urria) alderatuta, prezio konstanteetako salmentak %0,8 igo dira, dagozkien urtaro-eraginak kenduta. Salmenten urtez urteko bilakaera positiboa izan da bai Gainerako produktuak sektorean, bai Elikadura sektorean. Igoera % 4,8koa eta %0,3koa izan da hurrenez hurren, 2024ko azaroarekin alderatuta.

Hilabete arteko datuei dagokienez (2025eko azaroa 2025eko urriarekiko), joera goranzkoa izan da Gainerako produktuak sektorean (% 2,5eko igoerarekin). Elikagaiak sektorean, aldiz, % 0,1eko jaitsiera egon da.

Azalera handietako eta elikadura-kate handietako salmentak % 2,4 igo dira Bizkaian, %1,5 Gipuzkoan eta %0,4 Araban. Hil arteko datuei dagokienez, salmentek %1,0 egin dute gora Bizkaian, %0,6 Gipuzkoan eta % 0,3 Araban.

Urteko lehen hamaika hilabeteetako metatuan, azalera handietako eta elikadura-kate handietako salmentek %0,7 egin dute gora 2024ko aldi metatu beraren aldean. % 1,3ra iritsi da Bizkaiaren kasuan. Gipuzkoan, azarora arteko metatua %0,1 hazi da, eta Araban, berriz, % 0,2ko jaitsiera izan da.

Azkenik, Euskal AEko azalera handietako eta elikadura-kate handietako langile okupatuen kopurua %0,4 jaitsi da 2024ko azaroarekin alderatuta. Hilabete arteko datuei dagokienez, langileen indizeak %0,2 egin du gora. Azarora arteko urteko metatuan %1,3ko hazkundea izan da.

KALKULUA

Urte arteko aldakuntzak egutegi-efektuen serie zuzenduetatik eta hilabete arteko aldaketetatik abiatuta kalkulatzen dira, urtaro-eraginik gabeko serieak oinarri hartuta. Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hilaren indizea kalkulatu da laginaren %96,97 kontuan izanik.