Asteburu honetan, Idiazabalek bere urteroko Gazta Azoka hartuko du eta, hitzordu honen baitan, ohikoa den moduan, artzaintzarekin eta gaztagintzarekin lotutako norbait omentzen dute.

Horrela, Amelia Jauregi Gabiriako Baztarrika baserrian jaiotako artzain eta gaztagilearen ibilbidea aintzatetsiko dute oraingoan eta guk, Gipuzkoako Kale Nagusian, bere bizipenak ezagutu nahi izan ditugu. Gainera, egun gaztandegiaren arduraduna den bere alaba Elirekin ere hitz egin dugu, bi belaunaldien ikuspuntuak ezagutzeko asmoz.