Jose Maria Zubia Aita Mari izenarekin pasa da euskal itsas-historiaren liburuetara. Zumaiarra, txalupako patroi eta arrantzale izan zen bere jaioterriko eta Donostiako portuetan. Pertsona trebea zen, Zumaiako uretan erremolkadore izan baitzen eta beti izan zuen presente itsasoan laguntza behar zuen horri eskaini behar zitzaiola.

Horrelaxe lortu zuen ospea, sorospenaren eredu bilakatuta, kontatu digu Gipuzkoako Kale Nagusian Xabier Alberdik, Euskal Itsas Museoko zuzendariak. Harekin errepasatu dugu itsas gizon honen bizitza haren heriotzaren urteurrenaren bezperan.